MDB ekspertləri həyat keyfiyyətinin normativləri layihəsi üzərində işi davam etdirəcəklər
Bakı, 13 sentyabr, AZƏRTAC
Sentyabrın 16-da Minskdə MDB İcraiyyə Komitəsində həyat keyfiyyətinin normativlərin razılaşdırılmasına dair ekspert qrupunun iclası keçiriləcək.
AZƏRTAC MDB İcraiyyə Komitəsinin mətbuat xidmətinə istinadla xəbər verir ki, həmin normativlərin hazırlanması vəzifəsi MDB-nin 2020-ci ilədək dövrdə iqtisadi inkişafı üzrə Strategiyasının birinci mərhələsində nəzərdə tutulub.
Həyat keyfiyyətinin normativləri MDB iştirakçı dövlətlərinin yüksək səviyyədə dəstəklədiyi və əhalinin tələbatını təmin edəcək standartlardır. Onların müəyyən edilməsindən məqsəd vətəndaşların sosial-iqtisadi hüquqlarının təmin edilməsi sahəsində minimum dövlət təminatlarının müəyyən edilməsi və dövlətin bu sahədə siyasətinin istiqamətlərinin təyini, habelə onun dayanıqlı inkişafıdır. Normativlərə rifah, əhalinin sosial müdafiəsi və sağlamlığı, təhsil, mənzil şəraiti, ərzaq və xidmətlərin keyfiyyəti, ekoloji vəziyyət, mədəniyyət, fiziki hazırlıq və idman, turizm kimi meyarlar daxildir.
Normativlərin ekspertlər səviyyəsində bundan əvvəlki müzakirəsi cari ilin mayında keçirilib. Həmin iclasda dövlətlərdən daxil olmuş təkliflər və iradlar nəzərə alınıb, onların normativlərin MDB İqtisadi Şurasının iclasında qəbul edilməsində maraqlı olduqları qeyd edilib. Eyni zamanda, sənədin layihəsi ölkələrin daxilində razılaşdırılması üçün MDB-nin iştirakçı dövlətlərinə göndərilib.
Laçında özünüməşğulluq proqramının icrasına başlanılıb
“Ay Laçın” – doğma və kövrək duyğularla VİDEO
Avqust ayının müavinət, təqaüd və ünvanlı sosial yardımları tam ödənilib
Qida sahəsində fəaliyyət göstərən 7 müəssisədə nöqsanlar aşkarlanıb