Muxtar respublikada şagirdlər dərslik, müəllimlər isə metodik vəsaitlərlə təmin olunublar
Naxçıvan, 12 sentyabr, AZƏRTAC
Sentyabrın 11-dən muxtar respublikanın bütün ümumtəhsil məktəblərində şagirdlərə dərsliklərin paylanılmasına başlanılıb.
Naxçıvan Muxtar Respublikası Təhsil Nazirliyindən AZƏRTAC-ın Naxçıvan bürosuna bildirilib ki, bu addım tədris ili başlananadək şagirdlərin bütün dərsliklərlə təmin edilməsinə və məzmunla tanış olmalarına imkan verəcək. Həmin gündən etibarən müəllimlərə veriləcək metodik vəsaitlər isə onların tədris prosesini planlaşdırmalarına və metodik hazırlıq səviyyələrini artırmalarına kömək edəcək. Dərsliklərin saxlanılması və onlardan istifadə ilə əlaqədar məktəb kitabxanaçıları və sinif rəhbərləri tərəfindən şagird və valideynlərlə söhbətlər aparılıb.
Qeyd edək ki, avqust ayında muxtar respublikaya Bakı şəhərindən 264 min 719 dərslik, 8998 metodik vəsait gətirilib. Ümumtəhsil məktəblərində yeni dərsliklər şagirdlərə paylanmazdan əvvəl kitabxana qaydası üzrə işlənilərək fonda daxil edilib.
Bu tədris ilində ümumtəhsil məktəblərinin IV və VIII sinifləri üçün nəzərdə tutulan dərsliklər tamamilə yenilənib, digər siniflərdə isə dərsliklərə olan tələbata uyğun olaraq sifarişlər verilib.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib