Salyan, 12 sentyabr, Mahir Babayev, AZƏRTAC

Salyanda bostan məhsulları yığımı yekunlaşıb. Məhsul istehsalçıları əkdikləri bostan sahələrindən ilin səkkiz ayı ərzində 12 min 112 ton məhsul toplayıblar.
Rayon Statistika İdarəsindən AZƏRTAC-ın bölgə müxbirinə bildiriblər ki, salyanlı əkinçilər bu mövsüm 821 hektar sahədə bostan bitkiləri əkiblər. Bunun da 530 hektarını qarpız, 291 hektarını isə yemiş sahəsi təşkil edib. Torpaq mülkiyyətçiləri əkdikləri sahələrə aqrotexniki qaydada qulluq etdiklərindən gözlənildiyindən də çox məhsul yığılıb. Bostançılar 821 hektar bostan sahəsindən 8 min 88,4 ton qarpız, 3 min 973,7 ton yemiş tədarük ediblər. Bostan sahələrinin ümumi məhsuldarlığı isə 147,5 sentner olub.