Şanxayın Böyük teatrında “Yevgeni Onegin” tamaşası anşlaqla qarşılanıb
Bakı, 12 sentyabr, AZƏRTAC
Sentyabrın 11-də Şanxayın Böyük teatrında P.İ.Çaykovskinin “Yevgeni Onegin” tamaşası təqdim edilib. Bu zaman 1600 nəfərlik teatrın geniş zalı tamamilə dolu olub.
AZƏRTAC TASS agentliyinə istinadən xəbər verir ki, Puşkinin əsərindən götürülmüş Tatyana və Oneginin uğursuz sevgisi tamaşaçılara böyük təsir bağışlayıb və üç saat davam edən tamaşa zamanı onların diqqəti bir anlıq da olsun səhnədən kənarda qalmayıb.
“Mən çox razı qaldım. Çinlilər əsəri hiss etməyi bacarırlar”, -deyə tamaşanın quruluşçu rejissoru və opera truppasının bədii rəhbəri Aleksandr Titel bildirib.
Onun sözlərinə görə, tamaşada heç bir müharibə, ekstremal hadisələr yoxdur. Burada söhbət bir ailənin həyatından gedir. Tamaşaçıya yalnız diqqətlə qulaq asmaq qalır. “P.İ.Çaykovskinin özü Onegin janrını opera adlandırmayıb, “lirik səhnələr” kimi təyin edib. Bu isə yüksək səviyyədə diqqət, hadisələri yaşamaq tələb edir”, -deyə A.Titel əlavə edib.
Qeyd edək ki, sentyabrın 13-ü və 14-də “Yevgeni Onegin” əsəri Şanxayda daha iki dəfə də təkrarən nümayiş olunacaq.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir