Azərbaycan Dövlət
İnformasiya Agentliyi

A
A
A
Sazlamalar

Türkiyədə HDP-dən övladlarını tələb edən ailələrin sayı artır

Ankara, 12 sentyabr, AZƏRTAC
Övladları PKK terror təşkilatı mənsubları tərəfindən dağlara qaçırılan valideynlərin Xalqların Demokratik Partiyasının (HDP) Diyarbəkir təşkilatı qarşısında fasiləsiz piketi davam edir. Piketə qatılan ailələrin sayı iyirmiyə çatıb.
AZƏRTAC xəbər verir ki, Türkiyə ictimaiyyəti düçar olduqları cinayətə etiraz edən ailələrə geniş dəstək verir. Hökumət və tanınmış simalar məsələ ilə bağlı açıq və konkret mövqe nümayiş etdirilər. Tələb olunur ki, terror təşkilatlarına siyasi dəstək verilməsin.
Övladlarını tələb edən valideynlər PKK-nın siyasi qanadı sayılan HDP rəhbərliyini terror təşkilatı ilə əməkdaşlıqda günahlandırır. Valideynlər açıqlamalarında bildirirlər ki, övladları HDP-nin qanundan kənar təbliğatı ilə dağlara aparılıb. Kor-koranə şəkildə terror sıralarına qatılanlar sonradan işgəncə və təcavüzə məruz qalırlar. PKK sıralarından qaçaraq təslim olanların ifadələri tükürpədicidir.


Sabir Şahtaxtı
AZƏRTAC-ın xüsusi müxbiri
Ankara

Dünya 2019-09-12 00:16:00