Azərbaycan Dövlət
İnformasiya Agentliyi

A
A
A
Sazlamalar

İndoneziyanın keçmiş prezidenti vəfat edib

Bakı, 11 sentyabr, AZƏRTAC

İndoneziyanın keçmiş prezidenti Buxaruddin Yusuf Həbibi 83 yaşında vəfat edib.
AZƏRTAC Anadolu agentliyinə istinadla xəbər verir ki, sentyabrın 1-də Həbibinin səhhəti pisləşib. Bundan sonra, o, Cakartadakı hərbi xəstəxananın reanimasiya şöbəsinə yerləşdirilib və orada dünyasını dəyişib.
Qeyd edək ki, aviasiya mühəndisi olan Həbibi, sələfi Məhəmməd Suxartonun istefasından sonra 1998-ci ilin mayından 1999-cu ilin oktyabrına qədər İndoneziyanın üçüncü prezidenti olub.

Dünya 2019-09-11 22:30:00