Ukrayna Prezidentinin mühafizəçiləri çoxnövçülük üzrə dünya çempionatında qalib gəliblər
Kiyev, 11 sentyabr, AZƏRTAC
Kiyevdə cangüdənlər arasında çoxnövçülük üzrə dünya çempionatı başa çatıb. Yarışda Ukrayna Prezidentinin təhlükəsizlik xidməti qızıl medala layiq görülüb.
AZƏRTAC Ukrayna Prezidenti ofisinin “Facebook” səhifəsində dərc olunmuş məlumata istinadla xəbər verir ki, qələbə uğrunda birinci şəxslərin ən yaxşı mühafizəçilərindən ibarət 26 komanda yarışırdı. Onlar kütləvi tədbirlərin piyada müşayiəti zamanı müdafiə texnikasını, birinci şəxsin təxliyə olunmasını, kütlə arasında hücumların dəf olunmasını, əlbəyaxa döyüş fəndlərini, partlayıcı maddələr axtarışını və ekstremal şəraitdə nəqliyyat vasitələrinin idarə edilməsi zamanı maneələrin aradan qaldırılması üsullarını nümayiş etdiriblər.
Çempionatda Belarus, Çin, Moldova, Bolqarıstan, Gürcüstan, Rumıniya, İordaniya və Serbiyanın mühafizə və hüquq-mühafizə idarələrindən, xüsusi xidmətlərdən, habelə bu ölkələrin prezidentlərinin təhlükəsizlik xidmətlərindən olan cangüdənlər də iştirak ediblər.
Rüstəm Məmmədov
AZƏRTAC
Kiyev
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir