Azərbaycan alimləri Çexiyada beynəlxalq konfransda iştirak ediblər
Bakı, 11 sentyabr, AZƏRTAC
Çexiyanın paytaxtı Praqa şəhərində “Yumşaq hesablamalar (soft computing) nəzəriyyəsi və onun tətbiqi: sözlər və qavrayışlarla hesablama” mövzusunda X beynəlxalq konfrans keçirilib.
İki ildən bir təşkil edilən konfrans bu dəfə dünya şöhrətli azərbaycanlı alim Lütfi Zadənin xatirəsinə həsr olunub.
Müxtəlif ölkələrdən alim və tədqiqatçıların qatıldığı tədbirdə AMEA-nın İqtisadiyyat İnstitutunun şöbə müdiri, akademiyanın müxbir üzvü Akif Musayev və kiçik elmi işçi Mirvari Qəhrəmanlı iştirak ediblər.
İqtisadiyyat İnstitutundan AZƏRTAC-a bildirilib ki, beynəlxalq konfransda soft kompyutinq nəzəriyyəsi və texnologiyası, hibrid soft kompyutinq sistemləri, sözlərə əsaslanan qeyri-səlis mühakimə, təkamüllü hesablama, qeyri-səlis məntiqin biznes və iqtisadiyyatda tətbiqi və digər mövzularda məruzələr dinlənilib, müzakirələr aparılıb.
Əqli Mülkiyyət Agentliyində ixtiraçılıq və patent analitikası mövzusunda təlim keçirilib
AzTU əməkdaşları beynəlxalq konfransda çıxış ediblər
ADPU-da “Heydər Əliyev dərsləri” davam edir
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
ADPU ilə Rusiya İnformasiya və Mədəniyyət Mərkəzi əməkdaşlıq məsələlərini müzakirə edib