Boksçumuz Dominqes Alfonsonun dünya çempionatındakı ilk rəqibi müəyyənləşib
Bakı, 11 sentyabr, AZƏRTAC
Yekaterinburqda keçirilən dünya çempionatında Azərbaycan millisinin boksçusunun ilk rəqibi dəqiqləşib.
AZƏRTAC xəbər verir ki, çempionatda 81 kiloqram çəki dərəcəsində mübarizə aparacaq Dominqes Alfonso 1/16 finalda Qazimaqomed Calidovla (İspaniya) üz-üzə gələcək.
Avropa çempionumuzun rəqibi 1/32 final döyüşündə müəyyənləşib. Aleksandar Markoviçə (Serbiya) ilk raundda qalib gələn ispaniyalı birinci mərhələdən azad olan təmsilçimizlə qarşılaşmaq hüququ əldə edib.
Görüş sentyabrın 15-də keçiriləcək.
“Neftçi”nin iki futbolçusu “Qəbələ” ilə oyunu buraxacaq
Millinin baş məşqçisi: Macarıstan və İsveçrə ilə oyunlar bizim üçün yeni təcrübə olacaq
Avropa çempionatı: Azərbaycan minifutbol millisinin mümkün rəqibləri bəlli olub
Azərbaycanın basketbol yığmaları Türkiyə klublarına qalib gəliblər