Könül Umranova: Əhalinin sosial müdafiəsinin gücləndirilməsi dövlət siyasətinin prioritet istiqamətlərindəndir
Ağdaş, 9 sentyabr, AZƏRTAC
Bu gün güclü iqtisadiyyata, dinamik inkişafa malik Azərbaycanda vətəndaş rifahının təminatı, əhalinin sosial müdafiəsinin gücləndirilməsi dövlət siyasətinin prioritet istiqamətlərindəndir. Prezident İlham Əliyevin bununla bağlı imzaladığı sərəncamların insanların yaşam tərzinin, maddi durumunun gündən-günə yaxşılaşmasına təsirinin şahidiyik. Dövlət başçısının sərəncamları ilə artıq sentyabrdan icrasına başlanan daha bir sosial paket - minimum əməkhaqqının, müəllimlərin, dövlət qulluqçularının, eləcə də büdcədən maliyyələşən digər kateqoriyalardan olan işçilərin əməkhaqqının artması göstərilən qayğının, diqqətin bariz nümunəsidir.
Bu fikirləri AZƏRTAC-ın bölgə müxbirinə Ağdaş şəhər M.Şeyxzadə adına humanitar texniki təmayüllü gimnaziyanın müəllimi Könül Umranova söyləyib.
K.Umranova deyib: “Mənim üç övladım var. Hər üç övladım Heydər Əliyev Fondunun təşəbbüsü ilə əsaslı təmir olunan məktəbimizdə - M.Şeyxzadə adına humanitar texniki təmayüllü gimnaziyada təhsil alıb, yüksək balla ölkəmizin müxtəlif təhsil ocaqlarına qəbul olunublar. Təhsildə şəffaflıq, müəllimlərin əməkhaqqının artırılması bizi daha yaxşı işləməyə ruhlandırır. Ölkəmizdə müəllimlərə, təhsilimizə göstərdiyi diqqət və qayğıya görə Prezidentimizə minnətdaram”.
Dövlət Su Ehtiyatları Agentliyinin sədri Gəncə şəhərində vətəndaşlarla görüşüb
Naxçıvandan olan şəhid ailələrinin üzvləri Şuşada
Sumqayıt Kimya Sənaye Parkında ağacəkmə aksiyası keçirilib
Qubada III Aqrobiznesin İnkişafı Forumu keçirilir - YENİLƏNİB
Füzulidə daha 35 ailəyə mənzillərinin açarları təqdim olunub - YENİLƏNİB