Astarada keçirilən humanitar aksiyada 70-ə yaxın rayon sakini müayinə olunub
Astara, 9 sentyabr, Bağır Əliyev, AZƏRTAC
Astara Rayon İcra Hakimiyyəti və Rayon Mərkəzi Xəstəxanasının təşkilatçılığı ilə humanitar aksiya keçirilib.
AZƏRTAC-ın bölgə müxbiri xəbər verir ki, aksiya zamanı Bakı şəhərindəki Neyrocərrahiyyə Xəstəxanasının həkimi, tibb üzrə fəlsəfə doktoru Rəfael Bayramov Rayon Mərkəzi Xəstəxanasında 70-ə yaxın sakini müayinədən keçirib.
Müayinələr zamanı vəziyyəti ağır olan xəstələrə müalicələrini Bakı şəhərində davam etdirmək tövsiyə olunub.
Rəfael Bayramov, həmçinin rayonun Siyəkü kəndində yataq xəstəsi olan 1943-cü il təvəllüdlü, 12 uşaq anası Saray Əhmədovaya da baş çəkərək onu müayinə edib.
Rayon sakinləri humanitar aksiyanın təşkilatçılarına, ölkəmizdə əhalinin sağlamlığına qayğı göstərən dövlətimizin başçısına minnətdarlıqlarını bildiriblər.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib