Bakı, 9 sentyabr, AZƏRTAC
Sentyabrın 7-də M.F. Axundov adına Milli Kitabxanada teatrşünas-tənqidçi, jurnalist, Azərbaycanın Əməkdar incəsənət xadimi, sənətşünaslıq doktoru, professor İlham Rəhimlinin anadan olmasının 70 illiyi münasibətilə "İlham Rəhimli-70" adlı geniş kitab sərgisi açılıb.
Kitabxanadan AZƏRTAC-a bildirilib ki, təqdim olunan sərgidə müəllifin əsərləri, redaktoru olduğu, “Ön söz” yazdığı Azərbaycan, rus və digər dillərdə kitab və dövri mətbuat materialları nümayiş olunub.
Sərgi bir həftə davam edəcək.