“NZS” qəsəbəsinin bəzi küçələrində hərəkət qismən məhdudlaşdırılacaq
Bakı, 9 sentyabr, AZƏRTAC
Sentyabrın 9-da səhər saatlarından etibarən Xətai rayonu, “NZS” qəsəbəsində 2 kilometr uzunluğa malik Süleyman Əhmədov və Oqtay Vəliyev küçələrində təmir işlərinin aparılmasına başlanılacaq.
Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsindən AZƏRTAC-a bildirilib ki, təmir işləri ilə əlaqədar sözügedən küçələrdə hərəkət hissə-hissə qismən məhdudlaşdırılacaq.
Sürücülərdən sıxlığın yaranmaması üçün öncədən hərəkət istiqamətlərinə uyğun alternativ küçələrdən istifadə etmələri tövsiyə olunur.
Ekspert: Yaşıl iqtisadiyyatın fəlsəfəsi ekologiyaya zərər vurmadan formalaşmış iqtisadiyyatdır
Fəvvarələr meydanında qanunsuz tikinti işləri dayandırılıb