Timur Əsgərov “Karmen-süita” baletində Xozenin partiyasını ifa edəcək
Bakı, 6 sentyabr, AZƏRTAC
Noyabrın 28-də Sankt-Peterburq Dövlət Akademik Mariya Teatrının “Mariya-2” səhnəsində Jorj Bize və Rodion Şedrinin “Karmen-süita” birpərdəli baleti nümayiş etdiriləcək.
AZƏRTAC teatrın saytına istinadla xəbər verir ki, baletdə Xozenin partiyasını Azərbaycanın Əməkdar artisti Timur Əsgərov ifa edəcək.
Səhnə əsərinin dünya premyerası 1967-ci ildə Moskvada Rusiya Dövlət Akademik Böyük Teatrında olub. Balet Mariya Teatrında ilk dəfə 2010-cu ildə nümayiş etdirilib.
T.Əsgərov 2008-ci ildə Bakı Xoreoqrafiya Akademiyasını bitirib, Azərbaycan Dövlət Akademik Opera və Balet Teatrında, Ukrayna Milli Akademik Opera və Balet Teatrında çalışıb. O, 2011-ci ildən Mariya Teatrında fəaliyyət göstərir. Teatrın truppası ilə birlikdə Avropa, Amerika və Asiya ölkələrində qastrolda olub.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir