Gənc Tamaşaçılar Teatrı sentyabr repertuarını açıqlayıb
Bakı, 5 sentyabr, AZƏRTAC
Azərbaycan Dövlət Gənc Tamaşaçılar Teatrı bu ay maraqlı tamaşalarla teatrsevərlərin görüşünə gələcək.
AZƏRTAC xəbər verir ki, sənət ocağı sentyabrın 21-də yeni mövsümü “Qızıl balıq” tamaşasının premyerası ilə açacaq. Həmin gün axşam “Leyli və Məcnun” tamaşaçıların ixtiyarına veriləcək. Bundan başqa, sentyabrın 22-də “Bremen musiqiçiləri” (rus dilində) və “Varislər” (ilk tamaşa) 27-də isə “Cəza”( kiçik səhnədə) tamaşası göstəriləcək.
Teatrsevərlər sentyabrın 28-də “Şirinlər” və “Tanrıya on dörd məktub”, 29-da isə “Tıq-tıq xanım”, və “Şeyx Sənan”a baxa biləcəklər.
Biletləri şəhərin bütün konsert kassalarından və “ASAN xidmət” mərkəzlərindən əldə etmək olar.
Teatr forumunun vaxtı dəyişdirilib
“Azərbaycan sənədli kino salnaməsi” çərçivəsində növbəti tədbir
Operasevərlər üçün “Bohema” növbəti dəfə