“Medinex” Beynəlxalq Tibbi İnnovasiyalar Sərgisində Belarusun ekspozisiyası təqdim olunacaq
Bakı, 4 sentyabr, AZƏRTAC
Noyabrın 6-7-də Bakıda keçiriləcək “Medinex” Beynəlxalq Tibbi İnnovasiyalar Sərgisində “Belarus” brendi ilə vahid kollektiv stend təqdim olunacaq.
AZƏRTAC BELTA-ya istinadla xəbər verir ki, bu barədə məlumatı Belarus Xarici İşlər Nazirliyinin Milli Marketinq Mərkəzi yayıb. Məlumatda deyilir: “Son illərdə Belarusun dərman preparatlarının Azərbaycan bazarına ixracının həcmi artıb. Belarusun onkologiya, cərrahiyyə, kardiologiya, transplantologiya, ginekologiya və ekstrakorporal mayalanma, plastik cərrahiyyə sahəsində tibbi xidmətlərinə marağın artması müşahidə olunur”.
“Medinex” sərgisi tibbin müxtəlif sahələrində nailiyyətlərin nümayiş etdirilməsinə yönəlib. Tibbi texnika, laboratoriya və əczaçılıq avadanlığı, dərman preparatları, tibbi xidmətlər, tibdə informasiya texnologiyaları sərginin əsas tematik bölmələri, innovasiyalar zonası isə əsas sektorudur. İnnovasiyalar zonasında tibb sənayesinin ən müasir nailiyyətləri nümayiş etdirilir. Sərgidə Belarus, Azərbaycan, Avstriya, Almaniya, İtaliya, Rusiya, Ukrayna və başqa ölkələrdən eksponentlər öz məhsullarını və xidmətlərini təqdim edəcəklər. Belarus sərgisinin təşkilatçısı Belarusun Azərbaycandakı səfirliyinin dəstəyi ilə Belarus XİN-in Milli Marketinq Mərkəzidir.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar