Qobustanda arı ailələrindən 14,6 ton bal götürülüb
Qobustan, 2 sentyabr, AZƏRTAC
Qobustan arıçıları cari mövsümdə bəslədikləri arı ailələrindən 14,6 ton bal götürüblər. Bu il süzülən bal ötən ildəkindən 2,1 ton çoxdur.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, hazırda Qobustanda 3400 baş arı ailəsi var. Ən çox məhsul Təklə, Xilmilli, Nabır kənd, Qobustan şəhər ərazi dairələrində əldə olunub.
Təklə kəndindən olan peşəkar arıçı Ramiz Qaçayev deyib: “Arıçılıq bizim ailədə ənənəvi təsərrüfat sahəsidir. Hazırda 120 yeşik arı bəsləyirik. Bu il hava şəraiti arıçılıq üçün heç də əlverişli keçmədi. Buna baxmayaraq, hər qutudan orta hesabla 10 kiloqram təmiz bal götürdük”. R.Qaçayev arıçılığın inkişafına göstərilən dövlət dəstəyindən danışaraq bildirib ki, hər arı ailəsinə verilən subsidiya onları təsərrüfatlarını genişləndirməyə, eləcə də bu sahəyə marağı olanları yeni təsərrüfat yaratmağa həvəsləndirib.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb