Aksiz markası olmayan spirtli içkilər aşkarlanıb
Bakı, 28 avqust, AZƏRTAC
Aksiz markası olmayan spirtli içkilər aşkarlanıb.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, Komitənin Əməliyyat-İstintaq Baş İdarəsinin Əməliyyat İdarəsinə “Mercedes-Benz E300” markalı nəqliyyat vasitəsində Azərbaycanın aksiz markası ilə markalanmayan spirtli içkilərin olduğu barədə məlumat daxil olub. Məlumat əsasında Qərb Ərazi Baş Gömrük İdarəsi Əməliyyat və Təhqiqat İdarəsinin əməkdaşları tərəfindən həmin avtomobil Gəncə şəhəri ərazisində saxlanılıb və baxış keçirilib. Baxış zamanı Azərbaycan vətəndaşının idarə etdiyi nəqliyyat vasitəsinin salonunda və yük yerindəki sellofan torbalarda spirtli içkilərin olduğu müəyyənləşdirilib. Sellofan torbalara ətraflı baxış keçirilməsi üçün avtomobil Qərb Ərazi Baş Gömrük İdarəsinin inzibati binasının həyətinə gətirilib. Yoxlama zamanı sellofan torbaların içərisində 1 litrlik, üzərində “Bombay Sapphire” yazılan 27 ədəd, üzərində “Aperon” yazılan 14 ədəd, üzərində “Jameson” yazılan 26 ədəd, üzərində “Sierra” yazılan 30 ədəd, üzərində “Bacardi” yazılan 28 ədəd, üzərində “Finlandia” yazılan 7 ədəd, üzərində “Jim Beam” yazılan 18 ədəd, üzərində “Optium Ron Blanco” yazılan 6 ədəd, üzərində “Optimum Premium Black” yazılan 5 ədəd, üzərində “Ballantines” yazılan 10 ədəd və 0,5 litrlik, üzərində “Yeni Rakı” yazılan 30 ədəd Azərbaycan aksiz markası ilə markalanmayan spirtli içkilər aşkarlanıb.
Faktla bağlı araşdırma aparılır.
“Tik-Tok”da “kreditə qızıl satılır” adı altında vətəndaşları talayan dəstə üzvləri saxlanılıb
Bakı Ağır Cinayətlər Məhkəməsinin hakimi intihar edib
“Binə” və “Sədərək” ticarət mərkəzlərini su basıb, əraziyə xilasetmə qüvvələri cəlb edilib VİDEO
Fatmayı kəndində dənizdə batan şəxsin meyiti tapılıb - YENİLƏNİB
FHN: Ötən sutka ərzində 40 yanğına çıxış olub, 13 nəfər xilas edilib VİDEO