Bakı, 27 avqust, AZƏRTAC

Analitiklər “Kino mail.ru” platformasında yerləşdirilən filmləri tədqiq edərkən ən çox səs qazanan ekran əsərini elan ediblər.
AZƏRTAC TASS agentliyinə istinadən xəbər verir ki, Rusiyanın XXI əsrdəki ən populyar filmi reytinq cədvəlinə görə “Легенда №17” hesab olunur.
Səsvermə 18-55 yaş kateqoriyaları arasında aparılıb. Gənclər komediya və əkşn janrlarına, yaşlı nəsil isə daha çox fəlsəfi, həmçinin“Leviafan”, “Sevastopol uğrunda döyüş” kimi müharibə mövzusunda çəkilən ekran əsərlərinə üstünlük veriblər.
Dram janrında olan filmlər 35-44 yaşlı nümayəndələr arasında daha çox səsvermə qazanıb. Bu kateqoriya üzrə Pavel Lugina və Aleksey Balabanovun çəkdiyi əsərlər yer alıb.