Tokio Fond Birjası bazar ertəsi kəskin enişlə açılıb
Tokio, 26 avqust, AZƏRTAC
Avqustun 26-da səhər Tokio qiymətli kağızlar bazarı ABŞ və Çin arasında ticarət “müharibəsi”nin daha da gərginləşməsi ilə əlaqədar kəskin enişlə açılıb.
AZƏRTAC xəbər verir ki, bu barədə Kyodo agentliyi məlumat yayıb.
Bildirilir ki, Yaponiyanın 225 aparıcı şirkətinin səhmlərinin kotirovkalarının dinamikasını əks etdirən Nikkei indeksi cümə gününün göstəricisi ilə müqayisədə 500 bənd və ya 2,5 faiz aşağı düşərək 20238,28 bəndində qərarlaşıb.
Birinci elit seksiyada təmsil olunan bütün şirkətlərin qiymətli kağızlarını əks etdirən Topix indeksi isə 30,17 bənd və ya 2,01 faiz enərək 1472,08 bəndinə düşüb.
Agentliyin bildirdiyinə görə, eniş nəqliyyat, neft və kömür sahələri də daxil olmaqla bütün səhmləri əhatə edib.
Vüqar Ağayev
AZƏRTAC-ın xüsusi müxbiri
Tokio
Hakan Fidan: Dünyanın ən böyük problemi beynəlxalq sistemin ikiüzlülüyüdür
WP: ABŞ Ukraynaya hərbi yardım paketini Konqresin təsdiqindən dərhal sonra çatdıra bilər
“GPT-4” neyroşəbəkəsi oftalmoloq həkimlərin səviyyəsinə çatıb
“Emirates” aviakompaniyası müntəzəm uçuş cədvəlini bərpa edib
Paşinyan: Azərbaycanla sərhədin delimitasiyasından sonra Rusiya sərhədçiləri Tavuşdan çıxacaq