Biarritsdə G7 sammiti əleyhinə nümayişlər keçirilib
Biarrits, 25 avqust, AZƏRTAC
Biarrits şəhərində keçirilən G7 sammiti əleyhinə nümayişlər təşkil olunub. Sammitin ikinci günü üçün bir çox altermondialist (qloballaşma əleyhinə olanlar) və anti-G7 təşkilatları “portretlər yürüşü” etməyi planlaşdırıb.
Alternativ - G7 və “G7 Ez” (bask dilində “G7-yə yox deyək”) qrupları isə sammit əleyhinə Biarrits şəhəri yaxınlığında dinc nümayişlər planlaşdırsalar da, son anda onların ləğv edilməsi ilə bağlı kommunike yayıblar.
Alternativ-G7 qrupu kommunikedə təhlükəsizlik üçün həddən ziyadə polis cəlb olunduğunu göstərib. Bildirib ki, göstərilən şərtlər nümayiş iştirakçılarının təhlükəsizlik və fiziki toxunulmazlığını təmin etmir. Buna görə 7 məkanda nəzərdə tutulan nümayişlər ləğv olunur. Ancaq nümayişçilərin hüquqlarının pozulmasına qarşı digər aksiya keçiriləcəyi diqqətə çatdırılıb.
Avqustun 24-də G7 sammiti başlayanda keçirilən anti-sammit nümayişində 15 mindən çox aksiyaçı iştirak edib. Nümayiş zamanı 38 nəfər müvəqqəti saxlanılıb.
Həmin gün Bayonn şəhərində G7 sammiti əleyhinə keçirilən nümayiş zamanı polislə qarşıdurmada xəsarət alan olmasa da, polis nümayişçilərə qarşı su şırnağından və gözyaşardıcı qazdan istifadə edib.
Şəhla Ağalarova
AZƏRTAC-ın xüsusi müxbiri
Biarrits
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır