Xaçmazda avtomobil qaz xəttini zədələdi, 15 kənd “mavi yanacaq”sız qaldı
Xaçmaz, 24 avqust, Elxan Yusifli, AZƏRTAC
Xaçmaz rayonunda avtomobiln qaz xəttini zədələməsi nəticəsində 15 yaşayış məntəqəsinə “mavi yanacaq”ın verilməsi müvəqqəti dayandırılıb.
AZƏRTAC-ın bölgə müxbiri xəbər verir ki, naməlum avtomobil avqustun 24-ü səhər saatlarında Qusarçay kəndi istiqamətində yerləşən qaz xəttini zədələyib. Qaz xəttinin ciddi zədələnməsi səbəbindən kəndlərdə, ümumilikdə, 4 min 500 abonentin “mavi yanacaq”la təhcizatında məcburi fasilə yaranıb.
SOCAR “Azəriqaz” İstehsalat Birliyinin yerli qurumlarının əməkdaşları tərəfindən qaz xəttinin təmir-bərpa işləri həyata keçirilib.
Xaçmaz Regional Qaz İstismarı İdarəsinin rəisi Əlibaba Əliyev AZƏRTAC-ın bölgə müxbirinə bildirib ki, artıq problem aradan qaldırılıb və kəndlərin qaz təchizatı bərpa olunub.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib