Ukrayna Krım tatarı haqqında filmi “Oskar”a namizəd göstərib
Bakı, 24 avqust, AZƏRTAC
Ukraynanın “Oskar” komitəsi Nəriman Əliyevin Krım tatarının hekayəsini əks etdirən “Dodomu” ekran əsərini nüfuzlu mükafata namizəd göstərib. Bu barədə məlumat komitənin Facebook səhifəsində yer alıb.
AZƏRTAC “İzvestiya” qəzetinə istinadla xəbər verir ki, bu ekran əsəri 2019-cu ildə Ukraynada filmlərin seçilməsində iştirak edən yeganə namizəddir. Bundan əvvəl “Dodomu” filmi X Beynəlxalq Odessa Kinofestivalının baş mükafatına layiq görülüb. Həmçinin, bu ekran əsərini Kann kinofestivalında da nümayiş etdiriblər.
Kinolentin “Xarici dildə ən yaxşı film” nominasiyasında iştirak etməyə iddia edəcəyi bildirilir. “Oskar” mükafatına namizədlərin yekun siyahısı 2020-ci il yanvarın 13-də elan ediləcək, təqdimat mərasimi isə həmin il fevralın 9-da Los-Ancelesdə keçiriləcək.
Filmdə baş rolları Ahtem Seyidblayev və Rəmzi Bilalov ifa ediblər. Bu ekran əsərinin Ukraynada premyerasının isə noyabrın 7-də keçirilməsi nəzərdə tutulur.
Bakı Kitab Mərkəzində “Azərbaycan İrəvanı” sənədli filmi təqdim olunub
Cəfər Cabbarlının 125 illik yubileyi qeyd olunub
Cenevrədə keçiriləcək “Türk həftəsi”ndə türkdilli dövlətlərin mədəni irsi tanıdılacaq
Rus evində “Bakı. Sevgi. Bahar.” festivalı keçirilir
Venesiya Biennalesində Azərbaycan pavilyonunun açılışı olub VİDEO