Əfqanıstanda yol-nəqliyyat qəzasında 6 nəfər ölüb
Bakı, 24 avqust, AZƏRTAC
Əfqanıstanda yol-nəqliyyat qəzasında 6 nəfərin öldüyü, daha 12 adamın isə yaralandığı bildirilir. AZƏRTAC ToloNews saytına istinadla xəbər verir ki, insident Qəndəhar avtomagistralında baş verib.
Saytın məlumatına görə, Məyvand rayonu yaxınlığında sərnişin avtobusu sürücünün səhlənkarlığı ucbatından sürət həddini aşaraq və idarəetməni itirərək yolun kənarındakı yarğana yuvarlanıb. Əyalətin yol polisinin rəisi Sərdar Məhəmməd Naseri bildirib ki, həlak olanların arasında üç qadın və iki azyaşlı var. Yaralılar Qəndəhar şəhərinin xəstəxanasına çatdırılıb. Onlardan ikisinin vəziyyətinin ağır olduğu bildirilir.
Ekvador Prezidenti enerji böhranı ilə əlaqədar fövqəladə vəziyyət elan edib
Türkiyə Prezidenti HƏMAS-ın siyasi bürosunun rəhbərini qəbul edib
Bu il Türkiyənin xidmətlər üzrə ixrac hədəfi 110 milyard dollardır
“Flydubai” Dubay hava limanından uçuşlar rejimini bərpa edib