Hirkan Milli Parkında yanğın tam söndürülüb VİDEO
Lənkəran, 23 avqust, Bağır Əliyev, AZƏRTAC
Hirkan Milli Parkının dağlıq ərazisində baş vermiş yanğın tam söndürülüb.
Bu barədə parkın direktoru Azər Mirzəyev AZƏRTAC-ın bölgə müxbirinə məlumat verib.
O deyib: “Parkın ərazisində yanğın olmasa da, Lənkəran rayonunun Təngivan kəndi ərazisində tüstülənmə var. Hazırda Ekologiya və Təbii Sərvətlər və Fövqəladə Hallar nazirliklərinin əməkdaşları tüstülənmənin qarşısını almağa çalışırlar. Yanğın söndürülsə də, ərazi nəzarətdə saxlanılır. Burada parkın əməkdaşları tərəfindən növbətçilik təşkil edilib”.
Qeyd edək ki, avqustun 20-də saat 14:00-da Fövqəladə Hallar Nazirliyinin "112" qaynar telefon xəttinə Hirkan Milli Parkında, Lənkəranın Təngivan kəndi yaxınlığındakı dağlıq ərazidə yanğının baş verməsi barədə məlumat daxil olub.
Mürəkkəb relyefli dağlıq ərazidə yanğın 10 hektar ərazini əhatə edib. Təbii fəlakət nəticəsində 3 hektara yaxın meşə ərazisi yanıb.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib