Azərbaycan Çində keçiriləcək Yüksək Texnologiyalar sərgisində təmsil olunacaq
Bakı, 23 avqust, AZƏRTAC
Cari il sentyabrın 5-dən 8-dək Çin Xalq Respublikasının Mienyan şəhərinin Siçuan əyalətində VII “Elm və Texnologiyalar şəhəri” adlı Beynəlxalq Yüksək Texnologiyalar sərgisi keçiriləcək. Bu il sərgidə Azərbaycanın İnnovasiyalar Agentliyi də iştirak edəcək.
Agentlikdən AZƏRTAC-a bildirilib ki, sərginin əsas mövzusu elmi və texnoloji yeniliklərin nümayişi və yeni əməkdaşlıqların qurulmasıdır. Sərgidə müxtəlif sahələrin ən son texnoloji nailiyyətləri təqdim ediləcək, elektron məlumatlar, avadanlıq istehsalı, enerjiyə qənaət və ətraf mühitin qorunması, süni intellekt və başqa bir sıra mövzular üzərində fikir mübadiləsi aparılacaq.
Sərgi 2013-cü ildən etibarən hər il ÇXR-in Elm və Texnologiya Nazirliyi və Siçuan əyaləti hökuməti tərəfindən keçirilir. Bu il sərgiyə 40-a yaxın ölkə qatılacaq.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb