Əddis-Əbəbə, 23 avqust, AZƏRTAC

Cənubi Sudanın şimalında 5,3 milyon barrel ehtiyatı olan yeni neft yatağı tapılıb.
AZƏRTAC xəbər verir ki, bu barədə Cənubi Sudanın Neft naziri Evov Deniel Çuanq mətbuata açıqlama verib.
Nazirin sözlərinə görə, yeni yataqda istehsalata ilin sonunadək başlanılması mümkündür. Yeni neft yatağı ölkənin tarixi regionu olan Yuxarı Nildə, 1997-ci ildən işlənilən “Adar-Yeyl” yatağının yanında yerləşir.
Cənubi Sudan hökuməti 2020-ci il üçün neft hasilatını sutkada 400 min barrelə qədər yüksəltməyi planlaşdırır.

Asya Hacızadə

AZƏRTAC-ın xüsusi müxbiri
Əddis-Əbəbə