Çində yanacağın qiyməti aşağı salınıb
Pekin, 21 avqust, AZƏRTAC
Çin hökuməti dünya bazarında xam neftin qiymətinin düşməsini nəzərə alaraq, yanacağın pərakəndə satış qiymətinin aşağı salınmasına dair qərar qəbul edib.
AZƏRTAC xəbər verir ki, Çin Milli İnkişaf və İslahat Komissiyasının qərarına əsasən, benzinin və dizel yanacağının hər tonunun qiyməti müvafiq olaraq 210 yuan (30 ABŞ dolları) və 205 yuan aşağı salınıb.
Qeyd edək ki, Çində qüvvədə olan qiymət mexanizminə əsasən, dünya bazarında neftin qiyməti hər ton üçün 50 yuandan yuxarı həddə dəyişərsə və yeni qiymət 10 iş günü ərzində qüvvədə olarsa, Çin hökuməti neft məhsullarının satış qiymətini də müvafiq qaydada artırır və ya azaldır.
Şahin Cəfərov
AZƏRTAC-ın xüsusi müxbiri
Pekin
Bu il Türkiyənin xidmətlər üzrə ixrac hədəfi 110 milyard dollardır
“Flydubai” Dubay hava limanından uçuşlar rejimini bərpa edib
77-ci Kann kinofestivalının rəsmi posteri təqdim edilib
Hakan Fidan: Dünyanın ən böyük problemi beynəlxalq sistemin ikiüzlülüyüdür
WP: ABŞ Ukraynaya hərbi yardım paketini Konqresin təsdiqindən dərhal sonra çatdıra bilər