Azərbaycan Dövlət
İnformasiya Agentliyi

A
A
A
Sazlamalar

MDB Dövlət Başçıları Şurasının iclası oktyabrda Aşqabadda keçiriləcək

Aşqabad, 21 avqust, AZƏRTAC
MDB Dövlət Başçıları Şurasının iclasının cari il oktyabrın 11-də Aşqabadda keçirilməsi planlaşdırılır.
AZƏRTAC xəbər verir ki, Türkmənistan Xarici İşlər Nazirliyində MDB İcraiyyə Komitəsi sədrinin müavini Sergey İvanov ilə görüş keçirilib. Görüşdə bu il Türkmənistanın MDB-yə sədrliyi çərçivəsində keçiriləcək tədbirlərə hazırlıq məsələləri müzakirə edilib.
Qeyd edək ki, Türkmənistanın sədrliyi dövründə MDB ilə beynəlxalq təşkilatlar arasında əlaqələrin səviyyəsinin yüksəldilməsi, ticari-iqtisadi əməkdaşlığın və dünya iqtisadi münasibətlərin genişləndirilməsi məsələləri prioritet kimi müəyyənləşdirilib.
İlahə Əhmədova
AZƏRTAC-ın xüsusi müxbiri
Aşqabad 

Siyasət 2019-08-21 11:46:00