İstanbulda qeydiyyatı olmayan suriyalılara ayrılan müddət başa çatıb
İstanbul, 21 avqust, AZƏRTAC
İstanbul Valiliyi tərəfində bu şəhərdə qeydiyyatı olmayan suriyalıların qeydiyyatda olduqları ünvanlar üzrə getmələri üçün ayrılan müddət başa çatıb.
AZƏRTAC xəbər verir ki, iyulun 22-dən başladılan köçürülmə işləri çərçivəsində çox sayda suriyalı ölkənin Daxili İşlər Nazirliyi tərəfindən əvvəlcədən təyin edilmiş qeydiyyatda olduğu şəhərə köçürülüb.
Mövzu ilə bağlı avqustun 1-də İstanbul Valiliyindən verilən məlumatda Türkiyəyə qanunsuz yollarla gəlmiş 12474 xarici vətəndaşın geri göndərmə mərkəzlərinə yönləndirildiyi bildirilib ki, onların da 2630-u Suriya vətəndaşıdır.
Hazırda müddətin başa çatmasına baxmayaraq, İstanbulda qeydiyyatı olmayan çox sayda Suriya vətəndaşı var. Onların çoxunun ailə fərdləri Türkiyənin müxtəlif şəhərlərində qeydiyyatdadılar. Əksər hallarda bu səbəbdən onların şəhərdən köçürülməsi problem yaradır.
Bu və bir sıra başqa səbəblərdən Beynəlxalq Köçkün Haqları Dərnəyi suriyalıların İstanbuldan köçürülmələri üçün ayrılan müddətin uzadılmasını tələb edir.
Günel Məlikova
AZƏRTAC-ın xüsusi müxbiri
İstanbul
IRENA Assambleyasının 14-cü sessiyası işini panel sessiyaları ilə davam etdirir
Kopenhagendə yanan tarixi birjanın fasadı uçub
Avropa İttifaqı İrana qarşı yeni sanksiyalar tətbiq edib
Türkiyədə baş verən zəlzələ nəticəsində bir neçə tikiliyə ciddi zərər dəyib
Potsdam Universiteti: İqlim dəyişikliyi qlobal iqtisadiyyatı təhdid edir