Türkiyə ərazisini qanunsuz yollarla tərk etmək istəyən daha 80 nəfər saxlanılıb
İstanbul, 19 avqust, AZƏRTAC
Türkiyənin Çanaqqala şəhərinin Ayvacık rayonunda ölkə ərazisini qanunsuz yollarla tərk etmək istəyən 80 nəfər Əfqanıstan və İran vətəndaşı saxlanılıb.
AZƏRTAC xəbər verir ki, Türkiyənin Sahil Təhlükəsizlik Xidmətinin əməkdaşları tərəfindən saxlanılanların qanunsuz yollarla Yunanıstana keçmək istədikləri məlum olub. Onların ölkəni tərk etmək üçün istifadə etdikləri bir avtobus və iki maşın müsadirə edilib.
Saxlanılanlar arasında qadınlar və uşaqlar da var.
Köçkünlər həkim müayinəsindən keçirildikdən sonra aidiyyəti qurumlara təhvil veriliblər. Onların ölkəyə qanunsuz yollarla daxil olmasına kömək edən üç nəfər saxlanılıb.
Günel Məlikova
AZƏRTAC-ın xüsusi müxbiri
İstanbul
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır