Bakı, 18 avqust, AZƏRTAC
Estoniyanın paytaxtı Tallinndə gənc güləşçilər arasında dünya çempionatı başa çatıb.
AZƏRTAC xəbər verir ki, yarışın son günündə mübarizə aparan daha bir təmsilçimiz medal qazanıb. Yunan-Roma güləşçimiz Ülvi Qənizadə (72 kiloqram) finalda rusiyalı Sergey Stepanova 1:3 hesabı ilə məğlub olaraq gümüş medalla kifayətlənib.
Beləliklə, Azərbaycan güləşçiləri gənclər arasında dünya çempionatını 2 gümüş, 4 bürünc medalla başa vurublar.