Soydaşlarımız “Qazaxıstan – böyük düzənlik diyarı” sərgisində iştirak ediblər
Bakı, 17 avqust, AZƏRTAC
Qazaxıstanda fəaliyyət göstərən “Xəzər” Azərbaycan Etnomədəni Mərkəzi bu ölkədə keçirilən “Qazaxıstan – böyük düzənlik diyarı” respublika sərgisində iştirak edib.
Diasporla İş üzrə Dövlət Komitəsindən AZƏRTAC-a bildiriblər ki, “Etnoaul” milli-mədəni kompleksində baş tutan sərgidə 10 ölkə təmsil olunub.
Azərbaycan guşəsində folklor musiqimiz, mətbəximiz, qədim geyimlərimiz və silahlarımız, eləcə də atlarımız nümayiş etdirilib. Qonaqlara döyüş səhnələri, saz havaları, rəqslər və çaparlarımızın məharətli çıxışları təqdim olunub.
Qeyd edək ki, Qazaxıstanda ənənəvi olaraq keçirilən bu sərginin əsas qəhrəmanları, adətən, sənətkarlar olurlar. Onlar sərgidə təkcə mənsub olduqları xalqlara məxsus milli-mədəni nümunələri deyil, həmçinin öz bacarıqlarını da əyani şəkildə qonaqlara nümayiş etdirirlər.
İnzibati Xətalar Məcəlləsinin bir sıra maddələri üzrə cərimələrin məbləği artırılır
Cinayət-Prosessual Məcəlləyə təklif edilən bir sıra dəyişikliklər təsdiqlənib
Alzheimer xəstəliyi orqan nəqli ilə də yayıla bilər
Hüquqşünas kimi 5 ildən artıq işləyən Azərbaycan vətəndaşları hakim ola biləcəklər
Aprelin 15-dən 19-dək ölkəmizdə quş qripi xəstəliyinə qarşı epizootoloji monitorinq keçiriləcək