Şimali Koreya tərəfindən buraxılan raketlər Yaponiyaya məxsus iqtisadi zonaya çatmayıb
Tokio, 16 avqust, AZƏRTAC
Avqustun 16-da səhər saatlarında Şimali Koreya tərəfindən buraxılan raketlər Yaponiyanın iqtisadi zonasına çatmayıb.
AZƏRTAC xəbər verir ki, bu barədə Kyodo agentliyi Yaponiya hökumətinə istinadla məlumat yayıb.
Cənubi Koreya hərbçiləri bəyan ediblər ki, cümə günü səhər saatlarında Şimali Koreya Kanvondo əyalətindən Yapon dənizi istiqamətində iki naməlum raket buraxıb.
Yaponiya hökumətindəki rəsmi mənbələrdən sitat gətirən agentlik yazır: “Raketlərin Yaponiya ərazisinə və ya məxsusi iqtisadi zonaya çatmadığı təsdiq edilib. Hazırda Yaponiyanın təhlükəsizliyinə heç bir birbaşa təhdid yoxdur”.
Vüqar Ağayev
AZƏRTAC-ın xüsusi müxbiri
Tokio
Ekvadorda enerji böhranı ilə əlaqədar iki ay müddətinə fövqəladə vəziyyət rejimi tətbiq edilib
OLED-displeyləri ilə təchiz edilmiş ilk bank kartı təqdim olunub
Koronavirus infeksiyasının müalicəsi üçün yeni molekul yaradılıb
Bərənin Neapol limanının körpüsünə çırpılması nəticəsində 30-a yaxın insan yaralanıb