Təhsil Nazirliyi: Şagirdlərin elektron yerdəyişməsi sistemi istifadəyə verilib
Bakı, 15 avqust, AZƏRTAC
Avqustun 15-də saat 15:00-dan etibarən şagirdlərin elektron yerdəyişməsi sistemi istifadəyə verilib.
Təhsil Nazirliyindən AZƏRTAC-a bildiriblər ki, valideynlər sistemdən istifadə etmək üçün www.sy.edu.az portalına daxil olaraq qeydiyyatdan keçməlidirlər.
Şagird yerdəyişməsinin elektronlaşdırılması bu prosesdə məktəb və valideyn arasında məsafənin azaldılmasına, valideynin təhsil müəssisəsi ilə təmasının daha şəffaf şəkildə təşkilinə yardım edəcək.
Eyni zamanda, prosesin elektronlaşdırılması tədris ili ərzində şagird yerdəyişməsinin hesabatlılığı, statistikası və digər bu kimi məlumatların tez bir zamanda əldə edilməsinə imkan yaradacaq.
Tarix Muzeyində tədbir: “Molla Nəsrəddin güldürür və düşündürür”
Məktəblilər ölkəmizi Avropada təmsil edəcəklər
Azərbaycan Təhsil Cəmiyyətinin idarə heyəti yeni tərkibdə təsdiqlənib