Azərbaycan Dövlət
İnformasiya Agentliyi

A
A
A
Sazlamalar

İvan Perişiç “Bavariya” klubuna keçib

Bakı, 14 avqust, AZƏRTAC

İtaliyanın “İnter” və Xorvatiya milli komandasının futbolçusu İvan Perişiç Almaniyanın “Bavariya” klubuna keçib.
AZƏRTAC xarici KİV-lərə istinadla xəbər verir ki, 30 yaşlı yarımmüdafiəçi sonradan birdəfəlik alınması şərti ilə 2019-2020-ci illər mövsümünün sonunadək icarəyə götürülüb. Bu, Perişiçin Almaniyaya ikinci qayıdışıdır. Təcrübəli oyunçu 2015-ci ilin avqustunda “İnter”ə transfer olunmamışdan əvvəl “Borussiya Dortmund” və “Volfsburq”da çıxış edib.
Qeyd edək ki, İvan Perişiç Xorvatiya millisinin üzvü kimi martın 22-də Azərbaycan yığmasına qarşı AVRO-2020-nin seçmə oyununda sonadək meydanda olub.

İdman 2019-08-14 11:42:00