Uşaqları dil bilmədən birinci sinfə qəbul etmək olarmı?
Berlin, 9 avqust, AZƏRTAC
Almaniya bundestaqında XDİ/XSİ fraksiyası başçısının müavini Karsten Linnemannın alman dilini pis bilən uşaqların ibtidai məktəblərə qəbul edilməməsi barədə təklifi solçu və sol-mərkəzçi partiyalar tərəfindən kəskin tənqid edilib. AZƏRTAC xəbər verir ki, solçu qüvvələr siyasətçinin bu bəyanatını ayrı-seçkilik adlandırıblar.
Linnemannın bu yaxınlarda “Rheinischen Post” qəzetinə müsahibəsi qalmaqala səbəb olub. O deyib ki, alman dilində danışmağı bacarmayan və ya bu dili başa düşməyən uşağın məktəbdə yeri yoxdur. O, belə uşaqlara məktəb yerinə, uşaq bağçasına getməyi məsləhət görüb.
Lakin partiya yoldaşları arasında onu dəstəkləyənlər tapılıb. Məsələn, XDİ/XSİ bloku nəzdindəki gənclər təşkilatının təmsilçisi Tilman Kuban öz mikrobloqunda Linnemannın təklifini düzgün təklif adlandıraraq yazıb: “Əgər uşaq ibtidai məktəbə gedirsə, o, alman dilində danışmağı bacarmalıdır”.
Vüqar Seyidov
AZƏRTAC-ın xüsusi müxbiri
Berlin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır