Kaliforniya startapı yeni texnologiya təqdim edib
Bakı, 2 avqust, AZƏRTAC
Kaliforniya startapı tullantıların ümumi utilizasiyası üçün hazırlanmış “FastOx” texnologiyasını təqdim edib. Yeni texnologiya vasitəsilə bütün növ tullantıları ətraf mühit üçün ziyansız şəkildə məhv etməklə yanaşı, həm də onlardan bir çox yerdə tətbiq oluna biləcək xammal əldə etmək mümkündür.
AZƏRTAC techcult.ru saytına istinadla xəbər verir ki, texnologiya tullantıları yandıran kamera əvəzinə modifikasiya edilmiş metallurgiya domnasının tikilməsini nəzərdə tutur. Yanma prosesinin sürətlənməsi üçün ona təmiz oksigen yeridilir, temperatur isə 2200 dərəcə Selsiyə çatır. Bu istilik tullantını buxarlandırır, onun sadə komponentlərə (hidrogen və dəm qazı) parçalanmasına səbəb olur.
Qazlardan elektrik enerjisi və ya gübrə istehsalında istifadə etmək olar. Buxarlanmayan və digər komponentlərdən ayrılan metallar təkrar emala hazır olacaq. Bütün təhlükəli mikroblar, istifadə müddəti bitmiş dərmanlar, zəhərlər və s. yüksək temperaturda məhv ediləcək.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib