Avqustun əvvəlində təyyarələrin Tbilisi üzərindən uçuşuna məhdudiyyətlər qoyulacaq
Tbilisi, 24 iyul, AZƏRTAC
Avqustun əvvəlindən başlayaraq Tbilisi üzərindən təyyarələrin uçuşlarına məhdudiyyətlər tətbiq olunacaq.
AZƏRTAC xəbər verir ki, bu barədə Gürcüstanın Milli Aviasiya Agentliyi məlumat yayıb.
Bildirilir ki, Tbilisi üzərindən uçuşlara məhdudiyyətlərin tətbiqi ölkə ərazisində keçiriləcək hərbi təlimlərlə əlaqədardır. Avqustun 3, 4 və 5-də saat 9:30-dan 11:30-dək və 21:30-dan 23:30-dək Tbilisi üzərində və yaxın ərazilərdə təyyarələrin uçuşuna qadağa qoyulacaq. Qadağalar, eyni zamanda, avqustun 7, 8 və 9-da saat 9:30-dan 11:30-dək qüvvədə olacaq.
Agentlikdən bildirilib ki, məhdudiyyətlə əlaqədar olaraq aviaşirkətlər öz uçuş qrafiklərində dəyişikliklər etməlidir. Artıq Azərbaycanın “Buta Airways” aviaşirkəti Bakı-Tbilisi-Bakı reyslərinin cədvəlinə dəyişiklik edib.
Məlumat üçün qeyd edək ki, iyulun 27-dən avqustun 9-dək Gürcüstanda “Agile Spirit” (Çevik Ruh) çoxmillətli hərbi təlimləri keçiriləcək. Hərbi təlimlərdə 14 ölkədən 3 minədək hərbçi iştirak edəcək.
Xətayi Əzizov
AZƏRTAC-ın xüsusi müxbiri
Tbilisi
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır