Türkiyə və ABŞ xarici siyasət idarələrinin rəhbərləri arasında telefon danışığı olub
Bakı, 20 iyul, AZƏRTAC
Türkiyənin Xarici İşlər naziri Mövlud Çavuşoğlu və ABŞ-ın dövlət katibi Mayk Pompeo arasında telefon danışığı olub. AZƏRTAC Türkiyə Xarici İşlər Nazirliyinin məlumatına istinadla xəbər verir ki, tərəflər Rusiyanın S-400 zenit-raket komplekslərinin tədarükü ətrafında yaranmış vəziyyət, Amerikanın beşinci nəsil F-35 qırıcı təyyarələri, Suriyanın Manbic və İdlib bölgələrində mövcud durum, habelə bu ölkədə təhlükəsizlik zonasının yaradılması məsələlərini müzakirə ediblər.
Bu telefon danışığı Rusiyadan S-400 zenit-raket komplekslərinin hissələrinin Türkiyəyə tədarükünün başlanması, Vaşinqtonun Ankaranın F-35-lərin istehsalı proqramından çıxarılması haqqında bəyanatı, həmçinin Prezident Donald Trampın bu ölkəyə qarşı birtərəfli qaydada sanksiyaların tətbiqi imkanlarının öyrənilməsi barədə məlumatdan sonra iki ölkənin xarici siyasət idarələrinin rəhbərlərinin ilk təmasıdır.
“Emirates” aviakompaniyası müntəzəm uçuş cədvəlini bərpa edib
Paşinyan: Azərbaycanla sərhədin delimitasiyasından sonra Rusiya sərhədçiləri Tavuşdan çıxacaq
Çində Qərbi Sakit okean dəniz simpoziumunun 19-cu iclası keçiriləcək
Ermənistanda sakinlər suvarma suyunun qiymətinin bahalığına görə yolu bağlayıblar
Yaponiya dərman istehsalçısının qida əlavəsində nəzərdə tutulmayan daha iki maddə aşkarlanıb