Qubada inşa olunan yeni məktəb binasında minə yaxın şagird təhsil alacaq
Quba, 20 iyul, Elxan Yusifli, AZƏRTAC
Quba rayonunun Alekseyevka kəndində inşa olunan 960 şagird yerlik məktəb binası yeni tədris ilinə kimi istifadəyə veriləcək.
AZƏRTAC xəbər verir ki, kənddə təhsil ocağının inşasına ötən ilin dekabr ayından başlanılıb. Üçmərtəbəli binada 40 sinif, 6 laboratoriya, gənclərin çağırışaqədər hazırlığı, əmək təlimi və kompüter otaqları, idman, akt, oxu zalları, kitabxana və 234 yerlik yeməkxana olacaq.
Hazırda üçüncü mərtəbəsi tikilən binanın sahəsi 3500 kvadratmetrdir.
Təhsil müəssisəsi müasir istilik və işıqlandırma sistemi ilə təchiz ediləcək. Yeni məktəb binasının həyətində qazanxana və su çənləri də tikiləcək. Məktəb binasının tikintisinin sentyabr ayına kimi başa çatdırılması nəzərdə tutulub.
Rəhman Məmmədov adına Alekseyevka kənd tam orta məktəbində hazırda 840 şagird təhsil alır. Təhsil ocağında tədris Azərbaycan və rus dillərində aparılır. Dörd min nəfərdən çox sakini olan Alekseyevka Qubanın ən böyük kəndlərindən sayılır.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib