Avstriyada təyyarənin qayaya çırpılması nəticəsində üç nəfər həlak olub
Vyana, 19 iyul, AZƏRTAC
Avstriyanın Tirol federal əyaləti ilə Bavariyanın sərhədində kiçik təyyarə qəzaya uğrayıb. Polislərin verdiyi məlumata görə, qəza nəticəsində üç nəfər ölüb. Hadisə yerinə yaxınlaşa bilmək üçün əraziyə xüsusi xilasetmə qüvvəsi cəlb olunub. Qəzanın səbəbi və həlak olanların şəxsiyyəti məlum deyil.
AZƏRTAC xəbər verir ki, Tirol dispetçer mərkəzinə Vetterştayn rayonunda kiçik bir təyyarənin qəzaya uğraması barədə xəbərdarlıq siqnalı gəlib. Təyyarə qayaya çırpıldıqdan sonra dərhal alovlanıb. Qəza yeri Maylerhütte yaxınlığında dəniz səviyyəsindən 2300 metr hündürlükdə yerləşir.
Təyyarənin İtaliyadan havaya qalxdığı ehtimal olunur. Həm Avstriya, həm də Almaniya polisi, xilasediciləri və yanğınsöndürmə briqadaları qəza yerində birgə araşdırmalar aparırlar. Qarmiş-Patenkirxen dağ xilasetmə xidməti təyyarə heyətinin axtarışında iştirak edib.
Almaniya vətəndaşı olduqları güman edilən təyyarə heyətinin bütün üzvlərinin cəsədləri aşkarlanıb.
Elgün Niftəli
AZƏRTAC-ın xüsusi müxbiri
Vyana
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır