Pekin, 19 iyul, AZƏRTAC
Çinin Xınan vilayətində qaz emalı zavodunda baş verən güclü partlayış nəticəsində iki nəfər itkin düşüb.
AZƏRTAC xəbər verir ki, hadisə Sanmensia şəhərində yerləşən zavodun sexlərinin birində yerli vaxtla 17:45-də (Bakı vaxtı ilə 13:45) baş verib. Hadisə nəticəsində bir neçə nəfər bədən xəsarəti alıb. Onlar xəstəxanalara yerləşdiriliblər. Amma hələlik insan tələfatı və yaralı sayı barədə dəqiq məlumat yoxdur.
Partlayış 3 kilometr radiusda yerləşən binalardakı pəncərələrin şüşələrinin sınmasına səbəb olub.
Hazırda hadisə yerində axtarış işləri aparılır.

Şahin Cəfərov
AZƏRTAC-ın xüsusi müxbiri

Pekin