Bakı, 18 iyul, AZƏRTAC

Almaniyanın dünya şöhrətli skripka ifaçısı David Garrett Türkiyədə konsert proqramı ilə çıxış edəcək.
AZƏRTAC Anadolu agentliyinə istinadla xəbər verir ki, sentyabrın 21-də reallaşacaq konsertin İstanbulda təşkil olunacağı nəzərdə tutulur.
Konsert çərçivəsində D.Garrett klassik əsərlərlə yanaşı, özünün “November Rain”, “Nothing Əl Matters”, “Viva la Vint”, “Ey Jude” və digər bu kimi məşhur rok və pop əsərlərini ifa edəcək.
Qeyd edək ki, dünya şöhrətli sənətkar bu günədək Almaniya, Meksika, Yaponiya, Tayvan, Braziliya, Sinqapur və digər ölkələrdə konsert proqramı ilə çıxış edib, karyerası ərzində 24 qızıl və 16 platin val qazanıb.