×
A
A
A
Sazlamalar

Almaniyanın “Diplomatisches Magazin” jurnalında Azərbaycan haqqında məqalə dərc edilib

Berlin, 18 iyul, AZƏRTAC

Almaniyanın “Diplomatisches Magazin” jurnalında Azərbaycan haqqında məqalə dərc edilib. Məqalədə müsəlman Şərqində ilk demokratik və dünyəvi respublika hesab edilən Azərbaycan Xalq Cümhuriyyətinin 1918-ci il mayın 28-də yaradıldığı, Cümhuriyyətin banisi və dövlət xadimi Məmməd Əmin Rəsulzadənin Azərbaycanın müstəqilliyini bəyan edərkən “Bir kərə yüksələn bayraq bir daha enməz” fikri vurğulanır. Xatırladılır ki, bu əlamətdar tarix, yəni 28 may – Respublika Günü Azərbaycanın Almaniyadakı səfirliyi tərəfindən Berlin şəhərindəki Maritim mehmanxanasında təntənəli şəkildə qeyd edilib. Rəsmi qəbulda Almaniya Bundestaqının vitse-prezidenti Klaudiya Rot da iştirak edib.
Reportajda tədbirdən fotoşəkillər yerləşdirilib. Sonda Azərbaycanın ərazisi, əhalisinin sayı, paytaxtı, dövlət dili və s. haqqında məlumat verilib.


Pərvanə Qarayeva
AZƏRTAC-ın xüsusi müxbiri
Berlin

Siyasət 2019-07-18 09:31:00