Bərdədə antisanitar şəraitdə pendir istehsal edən sex aşkarlanıb
Bakı, 17 iyul, AZƏRTAC
Qida Təhlükəsizliyi Agentliyinə Bərdə rayonunun Mollalı kəndində antisanitar şəraitdə pendir istehsal edilməsi ilə bağlı şikayət daxil olub. Daxil olan məlumat əsasında həmin ərazidə monitorinq aparılıb.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, monitorinq zamanı şikayət öz təsdiqini tapıb.
Qanunsuz fəaliyyət göstərən sexdə qida təhlükəsizliyi sahəsində sanitar-gigiyena və texniki-normativ sənədlərin tələblərinə əməl edilmədiyi məlum olub. Sexdə pendirin yağlılığını süni şəkildə artırmaq məqsədi ilə bitki yağlarından, habelə məhsula yüksək yağlılıq əmtəə görünüşü vermək məqsədilə beta karotin rəngləyici qida boyasından istifadə edildiyi aşkarlanıb.
Məhsullardan nümunələr götürülərək ekspertizadan keçirilmək üçün Qida Təhlükəsizliyi İnstitutunun müvafiq laboratoriyalarına göndərilib.
Faktla bağlı qanunvericiliyin tələbləri çərçivəsində tədbirlər görülüb, araşdırmalar davam etdirilir.
AQTA sədri: Azərbaycanda dəmirlə zənginləşdirilmiş un satılacaq
Binəqədi rayonunda yük maşını yolun kənarı ilə gedən qadını vurub
Salyan “ASAN xidmət” mərkəzində bir il ərzində 178 mindən çox müraciət qeydə alınıb
AQTA-nın auditorları 24 ölkənin ərazisində 349 müəssisədə qiymətləndirmə aparırlar
Evdən pul və qızıl-zinət əşyaları oğurlamaqda şübhəli bilinən şəxs yaxalanıb