Bakı, 17 iyul, AZƏRTAC

Cari ilin yanvar-iyun aylarında dəniz limanlarında 3 milyon 997 min 600 ton həcmində yükləmə-boşaltma işləri həyata keçirilib.
Dövlət Statistika Komitəsinin mətbuat xidmətindən AZƏRTAC-a bildirilib ki, yüklərin 3 milyon 663 min 300 tonunu və ya 91,6 faizini tranzit yüklər təşkil edib. İyulun 1-i vəziyyətinə limanlarda qalan yüklərin həcmi 119,5 min ton olub.
Altı ayda dəniz nəqliyyatı ilə daşınmış sərnişinlərin sayı keçən ilin müvafiq dövrünə nisbətən 20,3 faiz artaraq 8,9 min nəfərə çatıb.