Bakı, 17 iyul, AZƏRTAC
Metallurgiya sənayesi və hazır metal məmulatlarının istehsalı sahələrində cari ilin yanvar-iyun aylarında 357,1 milyon manatlıq məhsul istehsal olunub, hazır metal məmulatlarının istehsalı sahəsində 47,1 faiz artım, metallurgiya sənayesində 18,2 faiz azalma müşahidə edilib.
Dövlət Statistika Komitəsindən AZƏRTAC-a bildirilib ki, hesabat dövründə sahə üzrə 13 min 767,5 ton (4,1 dəfə çox) qara metallardan digər konstruksiyalar, 20,1 min ton (2,6 faiz çox) emal edilməmiş alüminium ərintiləri istehsal olunub.