Kişi şpaqaçılarımız Macarıstanda keçirilən dünya çempionatında çıxış ediblər
Bakı, 17 iyul, AZƏRTAC
Qılıncoynadanlarımız Kənan Əliyev və Ruslan Həsənov Budapeştdə keçirilən dünya çempionatında kişi şpaqaçıların şəxsi kateqoriyasında iştirak ediblər.
AZƏRTAC Azərbaycan Qılıncoynatma Federasiyasına istinadla xəbər verir ki, qrup mərhələsində keçirdiyi beş görüşdən ikisini qələbə ilə başa vuran K.Əliyev pley-offda Rusiya təmsilçisi Nikita Qlazkova 4:15 hesabı ilə uduzub. Qrupda keçirdiyi altı görüşdən üçündə qələbə qazanan R.Həsənov isə pley-offda çexiyalı Jiri Berana 7:15 hesabı ilə məğlub olub.
İyulun 17-də Səbinə Kərimova, Sevil Bünyatova, Anna Başta və Valeriya Bolşakova qadın sablyaçıların şəxsi yarışında mübarizəyə qoşulacaqlar.
Dünyanın futbol üzrə ən dəyərli “onbirliyi” açıqlanıb
Qızıl medal qazanan boksçu: Rəqiblərim güclü olsa da, yarış mənim üçün yaxşı keçdi
Azərbaycan boksçusu "Böyük İpək Yolu" turnirində qızıl medal qazanıb
Yığmanın baş məşqçisi: Toplanışda keçirdiyimiz matçlar kifayət qədər faydalı oldu