“Qızıl əllər, şən ürəklər” tədbiri xızılıların böyük marağına səbəb olub
Sumqayıt, 16 iyul, Ətrabə Rzayeva, AZƏRTAC
Sumqayıt Regional Mədəniyyət idarəsinin dəstəyi ilə Xızı rayon Heydər Əliyev parkında "Qızıl əllər, şən ürəklər" adlı tədbir keçirilib. Əhalinin asudə vaxtlarını səmərəli təşkili məqsədilə reallaşan tədbiri rayonun C.Cabbarlı adına Mədəniyyət Mərkəzi və Mərkəzi Kitabxana Şəbəkəsi birgə təşkil edib.
AZƏRTAC xəbər verir ki, tədbirdə C.Cabbarlı adına Mədəniyyət Mərkəzinin özfəaliyyət kollektivinin ifasında şən mahnılar səslənib, dərnək üzvlərinin əl işlərindən ibarət sərgisi təqdim olunub. Xızı MKS-in təqdim etdiyi kitab sərgiləri və oxucuların iştirakı ilə keçirdiyi intellektual oyunlar rayon sakinləri tərəfindən maraqla qarşılanıb.
Tədbirdə uşaqlar şeirlər söyləyib, şən musiqi sədaları altında rəqs edib, maraqlı, əyləncəli vaxt keçiriblər.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib